News

अर्शद वारसीचं वक्तव्य बेजाबदारपणाचे; अदानीकडून कानउघडणी

मुंबईः यंदाच्या उन्हाळ्यात ग्राहकांचा वीज वापर मागील उन्हाळ्यापेक्षा १७ टक्क्यांनी व डिसेंबर ते फेब्रुवारी दरम्यानच्या हिवाळ्यापेक्षा तब्बल ५० टक्के अधिक होता, असे दिसून आले आहे. हेच जून महिन्यातील रीडिंगनुसार आलेल्या भरमसाठ वीजबिलाचे मुख्य कारण ठरले’, असा दावा अदानी एनर्जी मुंबई लिमिटेडचे सीईओ कंदर्प पटेल यांनी केला आहे. (Adani Electricity)

‘एईएमएलचे मुंबईत २५ लाख घरगुती वीज ग्राहक आहेत. यापैकी अडीच लाख ग्राहकांची ३१ मार्चपर्यंत थकबाकी होती. देयके न भरणाऱ्यांचा हा आकडा लॉकडाऊनदरम्यान आणखी ७.७० लाखांनी वाढला. आता जूनअखेरपर्यंत त्यापैकी ६.७० लाख ग्राहकांनी थकित बिलाचा भरणा केला आहे. परंतु एमईआरसीच्या दिशानिर्देशांनुसार एकाही ग्राहकाला वीज कपात करण्याची नोटिस देण्यात आलेली नाही’, असेही पटेल यांनी स्पष्ट केले.

एईएमएल हे मुंबई शहर व उपनगरातील सर्वात मोठे वीज वितरक आहेत. त्यांनी आता ९४ टक्के ग्राहकांच्या मीटरचे रीडिंग घेण्यास सुरुवात केली आहे. आतापर्यंत ४८ हजार ग्राहकांनी वीजबिल अधिक आल्याच्या तक्रारी केल्या आहेत. त्यातील ९५ टक्के तक्रारी सोडविण्यात आल्या आहेत. परंतु एकही बील बदलून देण्याची गरज भासली नाही, असे एईएमएलचे म्हणणे आहे.

वाचाः महाराष्ट्र पोलीस करोनाच्या विळख्यात; ‘हे’ आकडे चिंता वाढवणारे

‘अधिक वीजबिल आल्याबाबत अभिनेता अर्शद वारसीने ट्विटरवर केलेले वक्तव्य बेजबाबदारपणाचे आहे. परंतु ग्राहक या नात्याने त्याची तक्रार सोडविण्यात आली आहे. तरीही सार्वजनिक क्षेत्रात असलेल्यांनी यासंदर्भात वक्तव्य करताना प्रगल्भता दाखवावी’, अशी अपेक्षा कंर्दप पटेल यांनी यावेळी व्यक्त केली.

वाचाः राज्यात ८ जुलैपासून हॉटेल्स व लॉज सुरू होणार; पण या असतील अटी

दरम्यान, अभिनेता अर्शद वारसीनं ट्विटरवर ‘अदानी इलेक्ट्रिसिटी’ या वीज कंपनीला टॅग करत राग व्यक्त केला होता. ‘हायवे लुटारु ‘अदानी’कडून आलेलं हे माझं वीज बिल. आपलं बिल पाहून अदानींना हसू येत आहे. १,०३,५६४ रुपये तुमच्या खात्यातून ५ जुलै २०२० रोजी डेबिट झाले’ असं ट्वीट करत अर्शदनं अदानींवर निशाणा साधला होता. अर्शदच्या या ट्विटची तातडीने दखल अदानी कंपनीकडून घेण्यात आली होईल. ‘या महिन्यात जास्त बील आल्यामुळं तुमची चिंता आम्ही समजू शकतो, आम्ही तुम्हाला मदत देखील करण्यास तयार आहोत. मात्र वैयक्तिक बदनामी करणारी टीका सहन केली जाणार नाही’ अशा शब्दांत अदानी इलेक्ट्रिसिटीकडून अर्शदला प्रत्युत्तर देण्यात आलं होतं.

Leave a Reply

Your email address will not be published. Required fields are marked *

Time limit is exhausted. Please reload the CAPTCHA.