News

गणेशोत्सावात कोकणबंदी केल्यास तीव्र आंदोलन; राणेंचा इशारा

मुंबई: गणेशोत्सव आणि कोकणी माणसाचं अतूट नातं आहे. त्यामुळे गणेशोत्सवात चाकरमान्यांना कोकणात जायला बंदी घालू नये. सरकारने कोकणात जायला बंदी घातल्यास तीव्र आंदोलन करण्यात येईल; असा इशारा भाजपचे खासदार नारायण राणे यांनी आज दिला.

नारायण राणे यांनी आज प्रसारमाध्यमांशी संवाद साधत हा इशारा दिला. चाकरमानी मुंबईत नोकरीला असले तरी त्यांचे कुटुंब कोकणात असते. त्यामुळे गणेशोत्सवात चाकरमानी कोकणात जात असतो. गणेशोत्सव कोकणी माणसांसाठी अत्यंत महत्त्वाचा उत्सव आहे. यंदा करोना असला तरी गणेशोत्सवात कोकणी माणसाला गावाला जायला कोणी बंदी घालू नये. अद्यापपर्यंत कोकणबंदीचे आदेश निघालेले नाहीत. आम्ही तसा आदेश निघू देणार नाही. कोकणात जायला बंदी घातल्यास तीव्र आंदोलन करण्यात येईल, असा इशारा राणे यांनी दिला. ज्यांचं कोकणात घर आहे. तो घराकडे जाणारच. त्यासाठी ई-पासची सक्ती वगैरे घालू नये. आमचा कोकणात जाण्यासाठी ई-पास सुरू करण्यासही विरोध राहील, असंही ते म्हणाले.

गणपतीला गावी जाण्यासाठी नियमांचे विघ्न; ‘हे’ आहेत कळीचे सवाल

यावेळी त्यांनी करोना आणि लॉकडाऊनवरून सुरू असलेल्या सावळ्या गोंधळावर टीकास्त्र सोडलं. सरकारी यंत्रणेवर विश्वास नसल्यानेच स्थानिक लोकप्रतिनिधींशी चर्चा करून निर्णय घेतले जात आहेत. हे चुकीचं आहे. सरकारने लोकप्रतिनिधी ऐवजी प्रशासनाशी चर्चा करूनच निर्णय घ्यावा, असं आवाहन करतानाच सरकारच्या या धोरणामुळे त्यांचा प्रशासनावर विश्वास नसल्याचं दिसून येतं, असा टोलाही त्यांनी लगावला.

करोना थांबेना! पुणे जिल्ह्यासाठी अजित पवारांचा धाडसी निर्णय

मुंबईकरांमुळे सिंधुदुर्गात करोना

यावेळी राणे यांनी मुंबईकरांमुळेच सिंधुदुर्गात करोनाचा प्रादुर्भाव झाल्याचा गौप्यस्फोट केला. कोकणी माणूस आजही कोकणात जात आहे आणि कोकणातून येत आहे. लाखो लोक कोकणात गेले आहेत. सिंधुदुर्गात तर मुंबईकरांमुळेच करोना पसरला आहे, असं सांगतानाच गणेशोत्सवात मुंबईतून येणाऱ्या चाकरमान्यांमुळे करोना पसरू नये म्हणून आम्ही काळजी घेऊ. नागरिकांमध्ये जनजागृती करू, असंही त्यांनी सांगितलं.

कल्याणमध्ये करोना एकाला उपचार दुसऱ्यावर; लाखोंची औषधेही मागवली

दरम्यान, राज्यात करोनाचा प्रचंड प्रादुर्भाव वाढत असून राज्यातील अनेक शहरांमध्ये संचारबंदी लागू करण्यात आलेली आहे. करोनाचा प्रादुर्भाव रोखण्यासाठी नागरिकांना पुन्हा एकदा घरातच थांबण्याचे आदेश देण्यात आले आहेत. या पार्श्वभूमीवर राणे यांनी गणेशोत्सव काळात कोकणात जाणाऱ्या चाकरमान्यांना मज्जाव केल्यास आंदोलन करण्याचा इशारा दिला आहे. त्यामुळे राज्य सरकारची डोकेदुखी वाढण्याची शक्यता आहे.

विष्णुवतार श्रीकृष्णांनी महाभारत युद्ध का थांबवले नाही? वाचा

Leave a Reply

Your email address will not be published. Required fields are marked *

Time limit is exhausted. Please reload the CAPTCHA.