News

करोना: भारत मानवतेच्या बाजूने, लस विकसनासाठी इतर देशांना मदत करणार

नवी दिल्ली:करोना विषाणूविरुद्धच्या लढाईत मानवतेच्या मदतीसाठी भारत उभा राहील आणि इतर देशांच्या सहकार्यासाठी लस उत्पादन आणि वितरणासाठी आपल्या क्षमतेचा वापर करेल, असे भारताने शुक्रवारी विविध देशांना सांगितले आहे. भारतातील विविध देशांचे राजदूत आणि उच्चायुक्तांसोबत चर्चा करत असताना परराष्ट्र सचिव हर्षवर्धन श्रृगला यांनी हा संदेश दिला.

भारत मानवतेसाठी उभा आहे

लस मिळावी यासाठी जगातील अनेक देश भारताच्या संपर्कात असल्याचे शृगला म्हणाले. या संकटाचा सामना करण्यासाठी तसेच मानवतेची संपूर्ण मदत करण्यासाठी लस उत्पादन आणि वितरणाच्या भारताच्या क्षमतेचा उपयोग केला जाईल हे मी पंतप्रधान नरेंद्र मोदी यांचे वचन मी पुन्हा एकदा सांगतो असेही शृंगला पुढे म्हणाले. ज्या देशांना लस चेन आणि साठवण क्षमता वाढवायची आहे, अशा देशांना भारत मदत करेल, असे ते म्हणाले.

‘लस विकसित करण्याच्या दिशेला आम्ही अग्रेसर’

भारत देश हा लस विकसित करण्याच्या कामात अग्रेसर असल्याचे शृंगला यांनी म्हटले. आम्ही आमच्या सहकारी देशांनी लशीच्या तिसऱ्या टप्प्यातील चाचणी करण्याबाबत प्रयत्नशील आहोत. जर इतर देशांची इच्छा असल्यास आम्ही त्यांच्या सहकार्याने लशीच्या संयुक्त उत्पादनाबाबत देखील विचार करू शकतो, असेही ते म्हणाले.

भारतात काही आठवड्यांपूर्वी एक लाखाच्या आसपास नवे रुग्ण वाढत होते, मात्र आता ती संख्या ५० हजारांपर्यंच खाली घसरली असल्याची माहिती त्यांनी दिली.

क्लिक करा आणि वाचा- पाकिस्तानात जा सांगणाऱ्यांना फारूख अब्दुल्लांचे ‘हे’ उत्तर

भारतात रुग्ण बरे होण्याचा दर ९२ टक्के इतका झाला

आम्ही करोना संसर्गाबाबत सतर्क असून संपूर्ण देशात आपल्या अनुभवाच्या आधारे आम्ही नवी रणनीती तयार करत राहतो. भारतात रुग्ण बरे होण्याचा दर आता ९१.९६ टक्के इतका आहे ( ३ नोव्हेंबर, २०२० पर्यंत). तर, मृत्युदर हा १.४९ टक्के इतका आहे, अशी माहिती परराष्ट्र सचिव हर्षवर्धन शृंगला यांनी दिली.

क्लिक करा आणि वाचा- आम्हाला एक संधी द्या; आम्ही ‘सोनार बांगला’ देऊ: अमित शहा
क्लिक करा आणि वाचा- तरुणीने तरूणाला ऑडी कारने टक्कर दिली; उडून १०० फूटांवरील छतावर आदळला, झाला मृत्यू

Leave a Reply

Your email address will not be published. Required fields are marked *

Time limit is exhausted. Please reload the CAPTCHA.